Hornjoserbski frazeologiski słownik w interneće
Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)
pytanje po spočatnikach
za wušomaj měć kaž (čěska) koza ‹čěske kozy› łój [něchtó ma za wušomaj kaž (čěska) koza ‹čěske kozy› łój]
`překlepany być´ | `durchtrieben sein´ es faustdick hinter den Ohren haben
wróćo
`překlepany być´ | `durchtrieben sein´ es faustdick hinter den Ohren haben
Wörterbuchbelege
za wušomaj měć kaž čěske kozy łój (Radyserb, Přisłowa 267); měć za wušomaj kaž čěske kozy łój (Radyserb, Hrona 78)
přikłady z literatury
Ale Jakub Šajba spózna situaciju prawje a rozsudźi, zo sym so dał slepić wot toho "małeho", kotryž "ma za wušomaj kaž koza łój", wón rjekny. (Grojlich, Młode lěta 76) Chiba, zo je to tajki cyle wuwarjeny rubježnik był, kiž ma za wušomaj kaž koza łój a by kabl přerěznył. (Kubaš-Worklečan, Patent 68) Pětr so posměwkny, tuta žona ma za wušemi kaž čěska koza łój. (Wjela, Roboty 61)
wróćo